TALUMPATI

Magandang araw po!

Ang peminismo para sa akin ay isang napakahalagang kilusan. Sa isang lipunan kung saan ang karamihan ng mga industriya at larangan ay dominado ng mga kalalakihan, mahalaga na magpatuloy tayong magtaguyod ng pantay-pantay na karapatan at oportunidad. Ang peminismo ay hindi lamang tungkol sa mga kababaihan; ito ay tungkol sa pagiging pantay-pantay ng bawat isa, anuman ang kanilang kasarian.

Sa isang mundong kung saan ang male-dominated fields ay madalas na nagiging sukatan ng tagumpay, nagiging mahalaga ang pagkakaroon ng pantay na perspektibo. Hindi lahat ng tao ay pareho, at hindi lahat ay nakalinya sa mga "standard" na ibinibigay ng lipunan, ngunit nararapat lang na magtaglay tayo ng paggalang sa kakayahan ng bawat isa. Lahat tayo ay may karapatang ipakita ang ating lakas at hindi tayo dapat magduda sa ating sarili dahil lamang sa ating kasarian.

Ako po ay isang masculine na babae, at sa aking karanasan, kahit na kaya kong gawin ang mga bagay na madalas ginagawa ng mga kalalakihan, nararanasan ko pa rin ang shaming o pagpapahiya dahil sa mga hakbang na ito. Puno ng mga stereotype at expectations ang ating lipunan. Madalas ay may mga nag-iisip na hindi akma ang isang babae sa mga gawi at katangian na mas kilala sa mga kalalakihan. Ngunit, kaya ko. At bilang isang babae, may karapatan akong gawin ang mga bagay na gusto ko, anuman ang pananaw ng iba.

Sa mga kalalakihan naman, hindi ko sila inaalis sa laban na ito. Hindi ko ipinagpapalagay na lahat ng kalalakihan ay may maling pananaw, ngunit ang katotohanan ay malaki ang papel ng ego sa ating lipunan. Kung ang mga kalalakihan ay nais na magsalita tungkol sa peminismo, naniniwala ako na kailangan nilang gawin ito hindi dahil sa makikinabang sila o para lang magpa-popular, kundi dahil nararapat nilang tumulong sa pagtataguyod ng pagkakapantay-pantay ng lahat. Dapat nilang unawain na ang peminismo ay hindi banta sa kanilang pagkatao o sa kanilang mga karapatan, kundi isang pagkilos para sa mas makatarungan at pantay-pantay na lipunan.

At para sa akin, ang pinakamahalagang hakbang ay ang pag-unawa ng bawat isa na iba-iba tayo. Hindi lang sa kasarian, kundi pati na rin sa ating mga karanasan at kakayahan. May mga tao na kaya ang mga bagay na ginagawa ng mga kababaihan, kahit hindi sila babae, at ganun din, may mga kababaihan na may kakayahang gawin ang mga bagay na ginagawa ng mga kalalakihan. Walang limitasyon ang mga kakayahan ng bawat isa batay sa kanilang kasarian.

Bilang isang kabataan, gusto kong magkaroon ng malawak na pananaw ang ating mga kabataan tungkol sa peminismo. Sa mga pamilyang hindi masyadong bukas tungkol sa ganitong mga paksa, sana ay matutunan nila ito sa ibang mga paraan. Ang mga kabataan ay may kapangyarihan upang baguhin ang ating lipunan. Kung sila ay magkakaroon ng tamang edukasyon tungkol sa pagkakapantay-pantay, matututo silang magbigay ng respeto sa bawat isa, hindi batay sa kasarian kundi batay sa pagkatao.

Maraming salamat po! Nawa'y magpatuloy tayo sa pagsulong ng pagkakapantay-pantay at makatarungan na lipunan para sa lahat.